ប្រជាពលរដ្ឋនៅក្នុងខេត្តរតនៈគិរីនៅថ្ងៃព្រហស្បតិ៍នេះ បានសម្តែងនូវការព្រួយបារម្ភចំពោះការសាងសង់ទំនប់វារីអគ្គិសនីរបស់រដ្ឋាភិបាលកម្ពុជានៅតំបន់ដែលពួកគេកំពុងរស់នៅ។ព្រហស្បតិ៍ 19 ឩសភា 2011 12:33 PM
ទំនប់វារីអគ្គិសនីមួយក្នុងប្រទេសវៀតណាម
ការព្រួយបារម្ភនេះបានធ្វើឡើងនៅក្នុងពិធីខួបទន្លេបី ស្ថិតក្នុងឃុំប៉ុង ស្រុកវ៉ឺនសៃ ខេត្តរតនៈគិរី ដោយមានការចូលរួមពីប្រជាពលរដ្ឋ មន្រ្តីមូលដ្ឋាន និងអង្គការសង្គមស៊ីវិលប្រមាណ២៥០នាក់។ ប្រជាពលរដ្ឋបានលើកឡើងពីបទពិសោធន៍ និងផលលំបាកដែលកើតចេញពីគម្រោងនៃការសាងសង់ទំនប់វារីអគ្គិសនីនៅតំបន់នេះ ដើម្បីឲ្យមន្រ្តីរដ្ឋាភិបាលជួយដោះស្រាយ។
លោក មៀច មាន អ្នកសម្របសម្រួលអង្គការរក្សាការពារទន្លេសេសាន ស្រែកពក និងទន្លេសេកុងបានថ្លែងថា ការលើកឡើងរបស់ប្រជាពលរដ្ឋទាំងនេះ គឺមិនមែនជាការប្រឆាំងរដ្ឋាភិបាលមិនឲ្យសាងសង់ទំនប់វារីអគ្គិសនីនោះទេ គឺគ្រាន់តែស្នើឲ្យការសាងសង់នោះស្ថិតនៅក្នុងទំហំតូច ហើយបើមានជម្រើស គួរតែរកវិធីអភិវឌ្ឍន៍ផ្សេងទៀត ដើម្បីចៀសវាងការបំពុលបរិស្ថានធ្វើឲ្យប៉ះអាល់ដល់ការរស់នៅរបស់ប្រជាពលរដ្ឋ។
គួរបញ្ជាក់ថា កាលពីចុងខែមេសាកន្លងទៅ រដ្ឋាភិបាលកម្ពុជាបានចុះហត្ថលេខាជាមួយរដ្ឋាភិបាលវៀតណាម ដើម្បីបើកផ្លូវឲ្យមានការសាងសង់ទំនប់វារីអគ្គិសនីនៅតាមបណ្តោយទន្លេសេសាន ដែលគេដឹងថា មានការចូលរួមវិនិយោគពីក្រុមហ៊ុនកម្ពុជា និងវៀតណាម ដោយគ្រោងនឹងចំណាងទឹកប្រាក់ប្រមាណ៧០០លានដុល្លារ៕
0 comments:
Post a Comment