មន្ត្រីជាន់ខ្ពស់នៃគណៈកម្មាធិការជាតិគ្រប់គ្រងគ្រោះមហន្តរាយ បានបញ្ជាក់នៅថ្ងៃទី៣០ ខែកញ្ញា ថា លោកនាយករដ្ឋមន្ត្រី ហ៊ុន សែន បានត្រៀមអង្ករចំនួនជាង ១.៦០០តោន សម្រាប់សង្គ្រោះបន្ទាន់ចែកជូនប្រជាពលរដ្ឋច្រើនពាន់គ្រួសារ នៅខេត្តចំនួន ១៥ ដែលបានលិចទឹកជំនន់។២៩-កញ្ញា-២០១១៖ ទឹកជំនន់ហូរលិចផ្លូវក្នុងស្រុកខ្សាច់កណ្ដាល ខេត្តកណ្ដាល។
មកដល់ពេលនេះមនុស្សស្លាប់ដោយសារទឹកជំនន់បានកើនដល់ចំនួនជាង ១០០នាក់ហើយ និងមានដីស្រែជាង ២សែនហិកតារ កំពុងតែលិចទឹកជំនន់នៅក្នុងខេត្តចំនួន ១៥។
ប្រធាននាយកដ្ឋានគ្រប់គ្រងគ្រោះមហន្តរាយនៃកាកបាទក្រហមកម្ពុជា លោក អ៊ុយ សំអាត និងទីប្រឹក្សាគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍ថា កាកបាទក្រហមកម្ពុជា បានចែកអំណោយសង្គ្រោះបន្ទាន់រយៈពេល ៣ថ្ងៃជាប់ៗគ្នាកន្លងមកនេះ ជូនប្រជាពលរដ្ឋខេត្តកំពង់ធំ ចំនួនជិត ៣.០០០គ្រួសារ។
លោក អ៊ុយ សំអាត ៖ «ចែកតាំងពីម្សិលមិញ ម្សិលម្ង៉ៃ ហើយនិងថ្ងៃនេះ នៅខាងគោកត្របែក របស់ស្រុកបារាយណ៍ អាហ្នឹងនៅមាត់ទន្លេសាប។ អាហ្នឹងលិចទាំងអស់។ លើកទី១ហើយដែលកាកបាទក្រហម រួមជាមួយរាជរដ្ឋាភិបាល។ រាជរដ្ឋាភិបាលចេញអង្ករ កាកបាទក្រហមចេញសម្ភារៈផ្សេងៗ»។
លោកបានមានប្រសាសន៍ថា លោកនាយករដ្ឋមន្ត្រី ហ៊ុន សែន បានសន្យាជួយថវិកាចំនួន ២០០លានរៀលដល់ខេត្តនីមួយៗ ចំនួន ១៥ ដើម្បីធ្វើប្រតិបត្តិការសង្គ្រោះប្រជាពលរដ្ឋ។
អនុប្រធាននាយកដ្ឋានព័ត៌មាននៃគណៈកម្មាធិការជាតិគ្រប់គ្រងគ្រោះ មហន្តរាយ លោក កែវ វី បានមានប្រសាសន៍ថា ស្ថានការណ៍ទឹកជំនន់នៅទន្លេមេគង្គលើ កំពុងតែចាប់ផ្ដើមស្រកបណ្តើរៗហើយ ៖ «នៅក្នុងភ្នំពេញយើង ហើយនិងខេត្តព្រៃវែង ហើយនិងខេត្តកណ្ដាល ដោយសារទឹកទន្លេមេគង្គក្រោម វាចាល់ឡើង រួមជាមួយទឹកទន្លេសាបទៀត ធ្វើឲ្យលំហូរទឹកវាស្រក ប៉ុន្តែវាក្នុងល្បឿនយឺត»។
ប្រជាពលរដ្ឋឈ្មោះ ជា ច័ន្ទ នៅឃុំស៊ីពោធិ៍ ស្រុកសន្ទុក ខេត្តកំពង់ធំ បានថ្លែងថា ដីស្រែ ១០ហិកតាររបស់លោកបានលិចទឹកទាំងស្រុង ៖ «ហើយផ្លូវលំ និងផ្លូវជនបទ គឺលិចទាំងស្រុង»។
ខេត្តដែលបានលិចលង់ចុងក្រោយគេ មានខេត្តកំពង់ចាម ខេត្តកណ្ដាល និងខេត្តព្រៃវែង។ ប្រជាពលរដ្ឋដែលត្រូវបានជម្លៀសមកទីទួលសុវត្ថិភាព គឺមានចំនួន ១៧.១៥៤គ្រួសារ។
ផ្ទះសម្បែងប្រជាពលរដ្ឋដែលបានលិចទឹកជំនន់ មានចំនួនជាង ១សែន ២ម៉ឺនខ្នង។ ផ្ទះសម្បែងដែលខូចខាតចំនួនជិត ៤០០ខ្នង៕
ប្រធាននាយកដ្ឋានគ្រប់គ្រងគ្រោះមហន្តរាយនៃកាកបាទក្រហមកម្ពុជា លោក អ៊ុយ សំអាត និងទីប្រឹក្សាគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍ថា កាកបាទក្រហមកម្ពុជា បានចែកអំណោយសង្គ្រោះបន្ទាន់រយៈពេល ៣ថ្ងៃជាប់ៗគ្នាកន្លងមកនេះ ជូនប្រជាពលរដ្ឋខេត្តកំពង់ធំ ចំនួនជិត ៣.០០០គ្រួសារ។
លោក អ៊ុយ សំអាត ៖ «ចែកតាំងពីម្សិលមិញ ម្សិលម្ង៉ៃ ហើយនិងថ្ងៃនេះ នៅខាងគោកត្របែក របស់ស្រុកបារាយណ៍ អាហ្នឹងនៅមាត់ទន្លេសាប។ អាហ្នឹងលិចទាំងអស់។ លើកទី១ហើយដែលកាកបាទក្រហម រួមជាមួយរាជរដ្ឋាភិបាល។ រាជរដ្ឋាភិបាលចេញអង្ករ កាកបាទក្រហមចេញសម្ភារៈផ្សេងៗ»។
លោកបានមានប្រសាសន៍ថា លោកនាយករដ្ឋមន្ត្រី ហ៊ុន សែន បានសន្យាជួយថវិកាចំនួន ២០០លានរៀលដល់ខេត្តនីមួយៗ ចំនួន ១៥ ដើម្បីធ្វើប្រតិបត្តិការសង្គ្រោះប្រជាពលរដ្ឋ។
អនុប្រធាននាយកដ្ឋានព័ត៌មាននៃគណៈកម្មាធិការជាតិគ្រប់គ្រងគ្រោះ មហន្តរាយ លោក កែវ វី បានមានប្រសាសន៍ថា ស្ថានការណ៍ទឹកជំនន់នៅទន្លេមេគង្គលើ កំពុងតែចាប់ផ្ដើមស្រកបណ្តើរៗហើយ ៖ «នៅក្នុងភ្នំពេញយើង ហើយនិងខេត្តព្រៃវែង ហើយនិងខេត្តកណ្ដាល ដោយសារទឹកទន្លេមេគង្គក្រោម វាចាល់ឡើង រួមជាមួយទឹកទន្លេសាបទៀត ធ្វើឲ្យលំហូរទឹកវាស្រក ប៉ុន្តែវាក្នុងល្បឿនយឺត»។
ប្រជាពលរដ្ឋឈ្មោះ ជា ច័ន្ទ នៅឃុំស៊ីពោធិ៍ ស្រុកសន្ទុក ខេត្តកំពង់ធំ បានថ្លែងថា ដីស្រែ ១០ហិកតាររបស់លោកបានលិចទឹកទាំងស្រុង ៖ «ហើយផ្លូវលំ និងផ្លូវជនបទ គឺលិចទាំងស្រុង»។
ខេត្តដែលបានលិចលង់ចុងក្រោយគេ មានខេត្តកំពង់ចាម ខេត្តកណ្ដាល និងខេត្តព្រៃវែង។ ប្រជាពលរដ្ឋដែលត្រូវបានជម្លៀសមកទីទួលសុវត្ថិភាព គឺមានចំនួន ១៧.១៥៤គ្រួសារ។
ផ្ទះសម្បែងប្រជាពលរដ្ឋដែលបានលិចទឹកជំនន់ មានចំនួនជាង ១សែន ២ម៉ឺនខ្នង។ ផ្ទះសម្បែងដែលខូចខាតចំនួនជិត ៤០០ខ្នង៕
0 comments:
Post a Comment